Një adoleshent ka arritur të dalë nga rrënojat e aeroplanit që u rrëzua dhe në të cilin humbën jetën prindërit e tij në afërsi të Detroit.

Policia tha se aeroplani me një motor ishte rrugës tek një fushë e vogël ajrore jashtë qytetit kur goditi pemët dhe u përplas, transmeton portali arbresh.info.

Një zëdhënës i Administratës së Aviacionit Federal i tha WXYZ Detroit se piloti i Cessna 210 kishte raportuar probleme me pajisjen e uljes dhe furnizimin me karburant para përplasjes.

https://www.youtube.com/watch?v=e-jp8MbMtKc

Video tregoi se avioni shpërtheu në flakë dhe disa kohë më vonë 17-vjeçari është parë duke dalë nga rrënojat.

Ai është identifikuar si Peyton Boaz.

Prindërit e tij Greg, 54 vjeç dhe Julie Boaz, 48 vjeç, nga një periferi pranë Houston, Texas, u vranë në aksident, njoftoi Houston Chronicle./Arbresh.info/